بالصور- استلام نجارة الأعمدة
على بركة الله
كتب مهندس / محمود كامل .
اليوم سوف نتناول استلام الأعمدة بالتفصيل 👇
👈 الأدوات المُستخدمة فى عملية استلام نجارة الاعمدة
- ميزان خيط .
- خيط .
- متر صاج طوله ما بين ( 5 ) إلى ( 7 ) متر .
 |
الأدوات المُستخدمة فى عملية استلام نجارة الاعمدة |
👈 الخطوات المُتبعة قبل النزول للموقع للاستلام
- تصفية اللوحات و تجهيزها سواء يدوياً أو باستخدام برنامج الأوتوكاد ( و هذا الأفضل ) .
👈 الخطوات المُتبعة فى الموقع
- بعد تصفية و تجهيز اللوحات ( المُخططات ) .
- استلام الحطات .
- استلام أبعاد الأعمدة .
- استلام الوزنات .
👈👈 تصفية الوحات :
- وهى ايجاد المسافات الصافية بين نجارة الأعمدة ؛ للتسهيل على نفسك ( كمهندس أو مقاول ) أثناء الاستلام فى الموقع ، بمعنى أنك تحسب المسافة بين العمودين كخرسانات من اللوحات ( لوحة المحاور و الأعمدة ) و بنضيف أو نطرح تخانات الخشب .
- الاضافة و الطرح يعتمدان على مكان الأكس ( Axis ) .
 |
| جوه - جوه |
- الأكس - غالباً - يكون ناحية الأضلاع الثابتة فى العمود ( Fixed Side ) ، هذه الأضلاع ثابتة الأبعاد من أول دور لآخر دور فى المبنى ، لا يصح أن يكون هناك نقص بها .
- الأبعاد الثابتة تُرسم بخط سميك على لوحة المحاور و الأعمدة ، أيضاً لا يصح نقص فى أعمدة الواجهات من الخارج ، من أجل أنها سوف تُعطى شكلاً لا يليق بالمبنى ( القص يكون من الداخل ) .
 |
| Core |
لا حظ هنا القص فى الكور من خارجه ( الخط الأصفر ) و ليس من الداخل .
 |
| Core in AutoCad |
يُستحسن القص فى الحوائط يكون فى الاتجاه القصير للحائط ؛ من أجل الانيرشيا ( Inertia ) تقل بمقدرا بسيط ( بمعنى ثبات الطول من الأول للآخر و الذى سيقل هو العرض أى دورين 45 سم و دورين 44 سم و هكذا .. ) .
 |
| Concrete Column |
لابد العمود يسير بخط مستقيم مع الحائط ، فلا يصح نقص العمود من الخارج ( بره ) ، هنقص من داخل الغرفة ( اللون الأصفر ) .
العمود الأوسط نثبت الضلع السُفلى فقط ، من أجل أن يصير على نفس خط العموديين ( يمين و يسار ) ، هذا سوف يوفر لنا جهد كبير فى التنفيذ و الاستلام .
لابد أن نعرف أماكن القصات جيد جداً قبل الاستلام و قبل التصفية .
 |
| تصفية المسافات بين الأعمدة |
عندما نأتى لتصفية المسافات بين الأعمدة ، نقيس من ناحية الأضلاع الثابتة ، بمعنى من الأكس إلى الأكس ، و نبعد عن الأضلاع التى سوف يكون هناك بها نقص ( قص فيما بعد ) .
الأن سنقف بين العموديين على اللوحة و نحسب الأبعاد و نرى أين مكان الأكسات
بره - بره
جوه - جوه
جوه - بره
 |
| التصفية للأعمدة بره - جوه |
👈 ما فائدة ( بره - بره ) و ( جوه - جوه ) ؟
- من أجل عندما نقول للنجار و أنت تتسلم منه الأعمدة فى الموقع : "قيس بين العمودين دول جوه - جوه " ، عندها سوف يفهم ما هو قصدك و عندها يفهم من أين يقيس .
- لو أكس أحد العموديين فى المنتصف تأخذه مثل التالى بمعن نقيس ( جوه - جو ه ) و هذا أيضاً للتسهيل .
 |
| جوه - جوه |
فى حالة وجود حائط يعوق القياس من ( بره - بره ) ، نضطر للقياس من ( بره - جوه ) ، و نضع علامة نجمة فوق المسافة فوق المسافة المُتصفية لكى يفهم النجار أنها من ( جوه - بره ) .
 |
| حائط يعيق القياس |
أو ممكن نطير لوح خشب مُلامس للوجه الخارجى ( الوش الخارجى ) للعمود ونقيس منه .
👈👈 استلام الحطات ( الحطة السُفلية )
- نتأكد من أن الحطة السُفلية فى مكانها المضبوط ( المظبوط ) ، بحيث يكون كل عمود مُنطبق على العمود فى الدور الأسفل منه .
- لكى نتأكد من أن الأعمدة ( متحططة ) بطريقة سليمة مثل اللوحات ( المُخططات ) ، لابد أن يكون لدينا أكس معلوم ( أفقى و رأسى ) و يتم توقيعه ( اسقاطه ) على السقف و منه نستطيع معرفة باقى الأكسات .
الأكس المعلوم يكون هو أكس الواجهه
👈 طريقة توقيع أكس الواجهه
- نقوم بوزن أول و أخر عمود على أكس كل واجهه و نتأكد أنه مُطابق للعمود الأسفل منه .
- عند كل عمود بنطير لوح خشب بمُحاذاه لوح حطة العمود ، و نُعلق فى طرف اللوح خيط شاغول به ثُقل ( أو ميزان خيط ) و نقيس المسافة فى الدور الأسفل بين وجه العمود ( وش العمود ) و الخيط ( قياس خرسانات ) ، و نقيس المسافة من فوق الخيط حتى وجه ( وش ) الحطة الداخلى و نتأكد أن الفرق بين المسافتين هى تخانة لوح خشب فقط تساوى 2.50 سم .
- بذلك تأكدنا أن أول و آخر عمود على الأكس مظبوطين ، نشد بينهم خيط ، لنتاكد أن الأعمدة التى بينهم مظبوطة مثلهم على نفس الخيط .
- سوف نعمل كل هذا على كل الواجهات ، و نتأكد من أن أعمدة الواجهه كلها مظبوطة على الأعمدة التى أسفلها .
- و أيضاً أعمدة المناور نُطبق نفس السابق ، نطير لوح خشب ونقيس فوق و أسفل .
- وقت كتير نضطر الكبس الحطة أو تطبيق العمود للداخل بمقدار نصف سم ؛ لأن ضغط الخرسانة أثناء الصب يُمكنه بفتح العمود .
- بمعنى المسافة بين الوش الخارجى للتطبيق و بين الخيط هتكون 161 سم بدلاً من 167.5 سم هتزيد نصف سم .
- ده فى حطة الأعمدة اللى على المناور ( الأضلاع المُطلة على المنور ) فقط و أضلاع أعمدة الواجهات المُطلة على الواجهه فقط
- و خصوصاً لان الألواح لا تكن مُرتكزة من تحت عل السقف زى الاعمدة الداخلية ، فممكن الاعمدة تطق أو الخرسانة تتسرب فى المنطقة دى ، فيُفضل نكبس نصف سم .
- كده وقعنا الاكسات الخارجية كلها و اتأكدنا أنها مظبوطة و نلقط منها الاعمدة الداخلية و نتأكدة هتدينا نفس المسافات اللى احنا صفيناها على اللوحات ( المخططات ) .
- نقيس المسافات بين الاعمدة افقياً و رأسياً و لو فيه أكثر من عمود على نفس الاكس ، نقيس أول و آخر عمد و نشد بينهم خيط و نتأكد ان اللى بينهم على نفس الخيط و هكذا .
👈👈 استلام رأسية العمود ( الحطة العُلوية )
لدينا 2 طريقة مشهورة
👈 الأولى :
- لو لوح الأخشاب المُستخدمة فى الحطات مقاس واحد 14 سم .
بنستلم بميزان الخيط
عصفورة الميزان هنحطها على لوح الحطة العلوية و الثقل ينزل جنب الحطة السفلية و لازم يكون مسلًم للوح الحطة السفلية .
خلى بالك من صوابع النجار ن ممكن يلعب بايده فى الخيط و انت مش واخد بالك
👈 الثانية
- لو لوح اللى النجار عاملها تعبانة و مش متساوية فوق زى تحت كده بنعلق ميزان الخيط فى أى مكان حولين العمود من فوق و نقيس المسافة يدوى بالمتر من الخيط و حتى الوش الداخلى للحطات العلوية و السفلية و ما بينهما .
خلى بالك ساعات النجار بيقيس لك من الخيط لحد ألواح التطبيق مش الوش الداخلى للحطة .
و ده غلط لأنه احياناً بيكون فى فاصل بين التطبيق و الحطة و بيُرد أثناء الصب .
👈 أماكن وضع ميزان الخيط لوزن العمود أو أخذ القياسات بالمتر
- بنوزن اى جنبين من العمود و يُفضل من ناحية الاكس عند ألزوم العمود ( الكورنر - Corner ) .
- اربط الخيط فوق فى أى مكان موازى الجنب اللى هتوزنه ن المسافة اللى هتقيسها فوق لازم تكون زى اللى تحت أو مُقاربه لها .
كرر الكلام ده للجنب الىخر للعمود
- لو العمود مش مظبوط و مايل بنظبط الحطة العلوية و ليس السفلية ، الحطة السفلية خلاص مظبوط و استلمناها لما استلمنا الحطات مينفعش يلعب النجار فيها تانى ، العمود فيه من تحت ( حطة سفلية ) يبقى لازم نعدل العمود من فوق ( الحطة العلوية ) عكس اتجاه الميل .
👈👈 لمعرفة كيفية استلام الأعمدة فى المنشأت المعدنية اضغط هنا
لا تترد فى أى استفسار يمكنك مراسلتى على الايميل بالضغط