على بركة الله
بقلم مهندس / محمود كامل.
تعالوا اليوم نتكلم عن
فرش و غطا
طبعا حته فرش و غطا تعبت مهندسين كتير لدرجة ان اغلبها أصبح يظن أن هناك مدارس بين المهندسين من جهه الاختلاف عليها و فيها.
فرش و غطا القواعد المنفصلة :
فى القواعد المنفصلة لا تمثل فرق كبير فى حالة لو عاملين حاجة اسمها equal offset يعنى ايه الكلام ده؟ 🤔
يعنى الرفرفة بتاعت القاعدة متساوية من الناحيتين
و ده بيكون اغلب الحالات و الافضل كمان اقتصاديا
طيب ليه هى افضل الحالات؟
علشان يا بشمهندس المومنت فى الناحتين متساوي عند تساوي الرفرفة فى ناحيتين القاعدة.
طيب لو اضطريت متكونش الرفرقة متساوية فى الناحيتين.. اعمل ايه وقتها؟
سهلة جدا شوف المومنت فى اى ناحية اكبر و هو ده الفرش و هنا هيبقى فى الاتجاه الاكبر او
الاتجاه الطويل هو الفرش
و
الاتجاه القصير هو الغطا.
كده خلصنا القاعدة المنفصلة. ☑
فرش و غطا القواعد المشتركة :
فى القواعد المشتركة يا بشمهندس عندك طبقتين او رقتين علوية و سفلية.. تمام كده؟
تعالى بقى
للرقة السفلية..
الفرش بيكون فيها فى الاتجاه الطويل بكرر اهو فى الاتجاه الطويل.
لكن..
الغطا فى الاتجاه القصير.
طيب و الرقة العلوية العكس يا بشمهندس
يعنى الفرش فى الاتجاه القصير
و
الغطا فى الاتجاه الطويل.
كده تمام.. ؟
خلصنا كده القواعد المشتركة. ☑
غطا و فرش قواعد الجار :
دى يا باشمهندس دى حالة خاصة من القواعد المنفصلة.. فاكرها؟
الفرش فيها بيكون موازي للجار مهما كان.
يعنى ايه الكلام ده؟ 🤔
يعنى...
الاتجاه الطويل اقصد بيه المسافة الاكبر بين حافة القاعدة حتى وش العمود ( اللى هى الرفرفة).
اما...
الفرش نقصد بيه الحديد الرئيسي علشان يا بشمهندس الحديد الرئيسي بيتم وضعه فى الجانب ذو الذراع الأكبر للمومنت او التى تعطى اكبر ذراع عزم للمومنت المقاوم..
تمام كده... ؟
لكن...
فى حالة الاساسات المفردة بيكون الحديد الرئيسي هو الفرش السفلى..
طبعا دليلك فى كل ده هو الكود المصري.
خلصنا كده قواعد الجار.. ☑
فرش و غطا اللبشة :
اللبشة دى حوار يا بشمهندس
يعنى ايه الكلام ده؟ 🤔
يعنى ليها مدارس مهندسين معينة
بس لو معاك التصميم تشوف الاكبر فى
m11 & m12
وتفرش فى الاتجاه الاكبر فيهما.
بس لو مش معاك.. عادى مفيش مشكلة.
المدرسة الاولى بتقولك يا بشمهندس الفرش بيكون فى اتجاه الحديد الاضافى السفلى الاكبر فى القطر.
طب ليه كده يا مدرسة؟
علشان قال ايه مريح فى التنفيذ.
طب و المدرسة التانية
المدرسة التانية بتقولك انك فى البداية شوف ابعاد الباكيات عندك علشان الاساس عندنا الابعاد بين المحاور مش ابعاد المنشأ.
شوفت خلاص اكبر بُعد او اكبر باكية يبقى هى دى المتحكمة فى المنشأ كله و هتمشى عليها
الرقة السفلية..
الفرش فى الاتجاه الطويل
و
الغطا فى الاتجاه القصير.
الرقة العلوية العكس
يعنى
الفرش فى الاتجاه القصير
و
الغطا فى الاتجاه الطويل.