على بركة الله
بقلم مهندس / محمود كامل.
سنناقش أنواع الشروخ فى الكمرات نتيجة إجهادات القص و الاجهادات العمودية..
Cracks in Beams due to Normal and Shear stress
فى البداية يا بشمهندس امشى معايا خطوة بخطوة.
أول حاجة قطاع الكمرة (الجسر) مستطيل
فلازم نعرف شكل تأثير و توزيع الاجهادات العمودية و اجهادات القص على الكمرة أو الجسر (كما يقولون عليها فى دول الخليج) مثل ما هو موضح بالأسفل 👇
لاحظ معايا كده فى الشكل ده
هتلاحظ ان أقصى اجهاد شد نتيجة الاجهادات العمودية فى أسفل القطاع و أقصى اجهاد ضغط يكون فى أعلى القطاع ( أنا بقصد الرسمة اللى على يمين خالص فى الشكل اللى فوق).
طيب تمام كده.. ؟
تعالى بقى نعرف ان اجهادات القص تكون أقصى شئ فى المنتصف و لا يوجد أسفل و لا أعلى القطاع.
و أنت ملاحظ معايا أن أقصى اجهاد قص يوجد فى منتصف الكمرة أو الجسر و لذلك تنتج شروخ قص فى المنتصف ( أنا أقصد الرسمة اللى فى المنتصف فى الشكل السابق).
طب لو تخيلنا أن قطاع الكمرة مكون من خطوط رأسية و أفقية... تمام كده؟
اجهاد قص أفقي
فسوف تجد أن تقاطعهم يعطي شكلاً مربعاً يواجه اجهاد قص أفقى و ده نتيجه احتكاكه مع مربعات متجاورة.
كده احنا زى الفل، 😂
تعالى لو تخيلنا وجود اجهاد قص رأسي و ده نتيجه احتكاكه مع المربعات الأعلى و الأسفل.
طيب هستفاد أنا من الكلام ده إيه؟
كمل معايا بس... 👌
هتكون المحصلة لاجهادات القص الرأسي و الأفقي بزاوية مائلة على الأفقي ب ٤٥ درجة و نسميها Diagonal Tension
و الشكل بالأسفل يوضح تخيلنا هذا 👇
طيب تعالى معايا تاني، 😂
تعالى معايا ندرس القطاع رقم (١) من الشكل اللى جاي.
عند دراسة الشكل اللى جاى ده هتلاقي انه يتعرض لأقصى قوة قص مع عدم وجود عزوم (المومنت)
أى صفر فى بداية الكمرة علشان كده تظهر الشروخ في منتصف الكمرة و ده علشان أن أقصى اجهاد قص في منتصف الكمرة و الشروخ دى بتكون عمودية على Diagonal Tension
و بنسميها web Shear Cracks.
ركز
الكلام السابق أقصد به القطاع رقم (1) من الشكل اللى جاي ده
طب تعالى ندرس القطاع رقم (2)
برضو فى نفس الشكل السابق اللى هو في منتصف الكمرة
هتلاقي انه بيتعرض لأقصى عزم (مومنت) مع عدم تعرضه لقوى قص لكن قوى القص دى بتكون أسفل قطاع الكمرة يعني شد ( ما هو أنت لازم تعرف فوق الكمرة ضغط تحت الكمرة شد)
و بتكون الشروخ عمودية على اجهاد الشد يعنى ٩٠ درجة مع الأفقى و بنطلق عليه Flexure Cracks
و الرسمة الأخيرة هنا هتوضح الكلام ده
كمل معايا....
تعالى بقى للقطاع رقم (3)
فى نفس الشكل السابق
هتلاقيه يتعرض لاجهاد قص و كمان اجهاد عمودي فتكون الشروخ مائلة بزاوية ما بين 45 درجة حتى 90 درجة
و خلى بالك بتتغير تلك الزواية مع تغير قيمة العزوم و قيمة القص و بنسميها Flexure Shear Cracks
