على بركة الله
بقلم مهندس / محمود كامل
اليوم سوف نتعرف على
أبسط طريقة لحساب كميات اعمال المباني
خطوة خطوة
من المعلوم ان المقاس الافتراضي للطوبة هو
25 طول × 12 عرض × 6 ارتفاع
الوحدات ( سم)
طيب تمام كده
واجهه الطوبة عند البناء هي
25 طول × 6 ارتفاع
اذن مساحة الطوبة الواحدة عبارة عن
0.25 متر × 0.06 متر = 0.015 متر مربع
طيب تمام لغاية كدة... احنا بقي عرفنا مساحة الطوبة الواحدة
دلوقتي بقي عايزين نعرف المتر المسطح ( المربع) فيه كام طوبة
بحسبه بسيطة نقسم الواحد متر مربع على مساحة الطوبة الواحدة بالمتر المربع
اذن
عدد الطوب فى المتر المسطح = 1متر مربع ÷ 0.015 متر مربع = 66.67 التقريب للأعلى يساوي 67 طوبة فى المتر المربع الواحد فقط
فمثلاً عندك طوفة أو حيطة ( حائط) طولها 4 متر بارتفاع 3 متر
يبقي مسطح الحيطة كام؟
3 متر × 4 متر= 12 متر مسطح
طيب ال 12 متر فيهم كام طوبة؟
طيب ما احنا لسه عارفين ان المتر المسطح الواحد به 67 طوبة
و عندنا 12 متر مسطح
يبقي عدد الطوب = 12 متر مسطح × 67 طوبة = 804 طوبة
و متنساش في هدر حوالى 5% من العد الاجمالي
يعني الحيطة هذي تاخد 845 طوبة مشتملة الهدر.
طيب لو عايز تعرف ال 1000 طوبة فيها كام متر مربع؟
بطريقة بسيطة و سهلة
هنقسم الألف طوبة على عدد الطوب فى المتر المسطح الواحد اللى هي 67 طوبة
اذن الناتج = 15 متر مربع تقريباً.
ملحوظة هامة جدا
هذه الحسابات بدون الاخذ فى الاعتبار مقدار المونة الموضوع فوق الطوبة و جانبي الطوبة من اليسار و اليمين يقدر بحوالى 1 سم على حده و هذا سيجعل توفير كبير فى عدد الطوب.
و للتعرف اكثر و بطريقة مفصلة يمكنك الضغط هنا