مؤسس شركة أمازون و قصة نجاحه
 |
| جيف بيزوس مؤسس أمازون |
على بركة الله
كتب مهندس / محمود كامل.
مؤسس شركة أمازون :
يعد جيف بيزوس مؤسس شركة أمازون الشركة الشهيرة .
البداية ..
في سنة 1995
موظف أمريكي في واحدة من شركات " وول ستريت WALL STREET " استقال من شغله و قرر يفتح مشروع خاص بيه .
و بدأ مشروعه من جراج بيته و مكنش يعرف ان المشروع ده هيبقي واحد من أكبر المشاريع في العالم.
و هحكيلكم النهاردة عن جيف بيزوس اللي قرر يفتح شركة للتسويق الالكتروني في الوقت اللى كان فيه تقريباً 10 مليون كمبيوتر بس متوصلين بالانترنت في العالم و بدأ يدور عن أكتر حاجة الناس بتشتريها وحط قايمة بمنتجات كتير وفي الاخر قرر إن الكتب هي السلعة المناسبة و فتح شركته المتخصصة في بيع الكتب الالكترونية وسماها " كادابرا " و بعد ما أسس الشركة بسنة واحدة قرر يغير اسمها ل " أمازون " و مع الوقت بدأت المنتجات اللي بتبيعها أمازون تزيد ، و في سنة 2000
 |
| معني شعار أمازون |
غيروا شعار الشركة للشعار المعروف دلوقتي ، اللي فيه ابتسامة من حرف A لحرف Z ، يعني الشركة بتبيع كل حاجة
from A to Z
و بقت بتبيع كل حاجة ممكن تتخيلها ، الشركة اللي بدأت من جراج صغير ، دلوقتي مساحة مخازنها بقت 12 مليون متر مربع م²، و عدد موظفينها وصل لمليون موظف سنة 2021 ، و قيمتها التسوقية تجاوزت التريليون دولار ، و كل شهر بيزور موقع أمازون حوالي 200 مليون شخص .
ما هي مميزات متجر أمازون ؟
اللي بيميز متجر أمازون عن المتاجر الأخرى ، أن المتجر الالكتروني بيوفرلك اختيارات كتير ، و مختلفة في مكان واحد ، علشان تقدر تختار ما بينها و أنت قاعد مكانك ، علشان كده التسوق الالكتروني كان الحل المثالي في فترة الحجر الصحي، وصل عدد المتسوقين على الانترنت لحوالى 2 مليون شخص اشتروا سلع اون لاين ، و كمان وصلت مبيعات التجارة الإلكترونية العالمية لحوالي 3 تريليون دولار ، و المتخصصين بيتوقعوا إنها توصل لحوالي 5 تريليون دولار على اخر 2021 ، و كمان الاحصائيات بتقول ان الرجالة بيدفعوا في التسوق الالكتروني اكتر من الستات باارغم ان الستات بيشتروا منتجات اكتر ، و ده لان الرجالة بيدخلوا يشتروا منتجات محددة و تكلفتها عاليه ، زي الموبايل و اللابتوب ، لكن الستات بيدخلوا يلفوا فى المواقع بلا هدف .
التجارة الإلكترونية وفرت للبشر وقت و مجهود و فلوس ، ده غير إنها ممكن توفر مساحات واسعة من الأراضي يستغلها البشر في استخدامات تانية غير المولات و المحلات التجارية و هتوفر في البنزين اللى بتصرفه على عربيتك رايح جاي للمحلات ، ومميزات اقتصادية تانية كتير ، خبراء الاقتصاد بيتوقعوا ان خلال الكام سنة الجاية ، العالم كله هيبقي شغال اون لاين ، خصوصاً بعد ما شركات كتير قررت تقفل فروعها و تكتفي بالاون لاين اشهرهم شركة " زارا ZARA " اللي قفلت 1200 فرع ، و شركة " تسلا TESLA " اللى استغنت عن صالات العرض واكتفت بالاون لاين .
و لو عايز تبدأ مشروعك الاون لاين شركة
" EXPAND CART " واحدة من أكبر الشركات في الشرق الأوسط هتساعدك تعمل ده بكل سهولة .
تفتكر فعلاً ان مستقبل الحصول على السلع و الخدمات هيبقي فقط مقتصر على التجارة الإلكترونية ؟!!!