اعرف تكييفك كم حصان بكل سهولة
على بركة الله
بقلم مهندس / محمود كامل .
عايز تشتري تكييف و خايف التاجر يضحك عليك و يقولك انه مثلا ده تكييف 2 حصان و بعد ما تشتريه تلاقيه ١.٥ حصان
يبقي لازم تعرف الاتي قبل الشراء
شوف يا غالي
شركات التكييف مش بتكتب على الجهاز انه كام حصان و ده بالفعل شيء مستفز
لكن هنعرفها ب ٣ طرق
الطريقة الاولى
فى بعض الشركات بتكتب BTU ودي وحدة القياس البريطانية و معناها بالعربي وحدة الحرارة البريطانية و هي اختصار لكلمة British Thermal Unit
من الواضح انهم اخدوا اول حرف من كل كلمة بالانجليزي فتكونت امامنا اختصار BTU
الطريقة الثانية
فى شركات بتكتب على الجهاز بالوات ، و ده برضو مستفز علشان مش بيقول صراحة انه كام حصان
لكن لا داعي للقلق
الطريقة الثالثة
فى شركات بتكتب على الجهاز بوحدة الطن و برضو استفزاز من نوع اخر
و فى الاخر تلاقي بعض التجار بيغشوا المستهلك لعدم صراحة الشركة فى كتابة كم حصان و يقولوا ده مثلا ٢.٢٥ حصان و فى الاخر يطلع ١.٥ حصان
لكن زي ما قولتلك
لا داعي للقلق
المهم دلوقت بعد ما عرفنا كل شركة بتكتب ايه
تعالوا بقى للجد شوية
شوف يا غالى
لازم تعرف اللى جاي كويس
1 طن = 3517 وات = 120000 BTU = واحد و نصف حصان .
1 طن = 2344 وات = BTU 8000 = واحد حصان
بالمعادلة البسيطة دي سواء ( الاولى و لا الثانية ) هتقدر تعرف كل حاجة بسهولة
تيجي ناخد مثال كده
شوف الصورة دي مكتوب عليها ايه ...
هتلاقي مكتوب 12000 BTU
اللى احنا لو رجعنا للمعادلة الاولى هنعرف انها تساوي 1.50 حصان .
و هتلاقيه كمان كاتب فوقها 3.50 ألف وات حرف k معناه ألف و حرف w معناه وات
برضو ارجع للمعادلة الاولى هتلاقي اني 3517 هي برضو 1.5 حصان
نفس المثال السابق بس شركة اخري
كاتب ٣.٥٢ ك واط و احنا قولنا ك أو k معناها الف
يعني ٣.٥٢ × ١٠٠٠ = ٣٥٢٠ وات
اللى هي برضو ١.٥ حصان.