شاركت هذا المقال بالعامية ، للتبسيط .
مقدمة :
بسم الله الرحمن الرحيم
حابب أبدا أول كتاباتى معاكم، علشان اعرف مهندس حديثى التخرج شويه حاجات كده ناخد بالنا منها كده اول يوم شغل ليك ف الموقع.
نصائح عامة لمهندس حديث التخرج:
- تبدا تتعرف ع المشروع وتعرف المشروع ده عباره عن ايه بالظبط.
- وابدا اتعرف ع زمايلك ف الشغل وابدا اخد جوله ف الموقع كده واعرف حدود موقعك يبدا منين وينتهى فين.
- وبعدين ابدا اتعرف ع المقاولين والصنايعيه واحد واحد كده.
- ونصيحه متنزلش الشغل بلبس جديد لانك هتزعل عليه لازم تاخد بالك وانت داخل وانت وخارج من العماره لانى لقدر الله ممكن حد يرمى حاجه من فوق تنزل عليك تعورك لاقدر الله.
- وخليك بعيد عن حدود الحفر لانك ممكن تقع ، او التربه تنهال بيك لقدر الله.
- متمشيش وراء اللودر تلبس سفتى علشان المسامير والحديد.
- البس الخوذه متستهونش بنفسك لانى شغل الموقع صعب واى خطاء او سرحت لحظه ممكن تكلفك حياتك انا مش بخوفكم بس خد بالك.
ثانيا نصائح من الناحية الفنية:
بقى ذاكر لوح المشروع كويس وتطلع كل استلامه معاك لوحة الدور وتراجعها كويس وانت كمهندس لسه حديث تخرج اسأل زمايلك اللى اقدم منك متتكسفشى اسأل ف كل حاجه علشان بعد كده مش هتعرف تسأل لو فى حاجه مش عارفها خلى علاقتك حلوه بكل اللى حواليك حب شغلك علشان تعرف تشتغل وتأدى الهندسه مهنة جميله جدا وفى نفس الوقت شاقه جدا كلها مغامرات مهنة بجد ممتعه وشيقه كل يوم بتتعلم فيها حاجه جديده وتعرف ناس جديده ربنا يوفقكم ان شاء الله واتمنى اكون عرفت اوصل ليكم حتى ولو جزء بسيط ممكن يساعدكم فى أول ايامكم العمليه .
مهندس مدنى /كمال مزغب كمال .